Charter Document - 02230124
| Charter Number: | 02230124 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1239 |
| Date type: | Internal, A.D. |
| Resource Link(s): |
|
Charter:
Ego Droco junior de Melloto dominus Espissie notum facio universis presentes litteras inspecturis quod pro questione et causa quam mihi faciebant et movebant religiose domine priorissa et conventus monialium Julleii coram domino episcopo Lingonensi super testamento et elemosina soceri mei Andree quondam domini Espissie de assensu et voluntate earumdem monialium eisdem monialibus dedi in perpetuum in terciis meis de Espisia sexaginta solidos divion annui redditus percipiendos singulis annis in iisdem terciis infra octabas beati Remigii et si forte juxta dictas octabas supradicta pecunia soluta non fuerit nisi infra quindenam post requisitionem mihi vel mandato meo factam eadem pecunia soluta non fuerit monialibus supradictis ex tunc quatuor sextaria frumenti ad mensuram Espissie percipient in terciis memoratis quamcumque et quoscumque contigerit solutionem non fieri pecunie supradicte Et in confectionem hujus modi litterarum easdem dominas investivi de redditu supradicto tradendo earum nuncio sexaginta solidos Divion in pecunia numerata Actum anno domini MCCXXX nono mense maii