Charter Document - 02230110
| Charter Number: | 02230110 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 |
| Date type: | Internal, A.D. |
| Resource Link(s): |
|
Charter:
Ego Girardus dominus Durnai et Ego Margarita uxor ejus notum facimus universis presentes litteras inspecturis quod nos dedimus et concessimus Agneti filie nostre et Margarite sorori mee monialibus de Julleio laude et assensu karissimorum parentum meorum et filiorum meorum Girardi et Milonis et aliorum X libras in pedagio Vendopere annuatim ad vitas suas in octavis pasche persolvendas Si enim pedagium dictas libras proficere non poterit de bladio territorii dicte ville supplebit defectus et post decessum ipsarum scilicet Agnete et Margarite remanebunt conventui de Julliaco C sol pro animabus earum et nostrarum in perpetuum possidendum In cujus rei testimonium presentes litteras ego G sigilli mei feci munimine roborari Actum anno domini MCCXXVI mense septembri