Charter Document - 02230105
| Charter Number: | 02230105 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1225 |
| Date type: | Internal, A.D. |
| Resource Link(s): |
|
Charter:
Ego Philippus Planceii dominus notum facio universis quod ego accepi in feodum a domino Guidone Castellionis comite sancti Pauli custodiam Juleii abbatie et quicquid milites de Senevoi a me tenent in feodum et quicquid habeo ad Villam Dei et stagnum quod est juxta Villam Dei et molendina que sunt in dicto stagno Ita scilicet quod ex dictis rebus ego sum homo ligius dicto Guidoni comite sancti Pauli post legitimationem comitis campanie et comitisse Trecensis et domini Clarembaudi de Capis et domini Guillelmi Montis Sancti Johannis Et sciendum quod ille qui res predictas post decessum meum tenebit erit homo ligius dicti Guidonis comiti sancti Pauli vel ejus heredibus In cujus rei testimonium presentes litteras sigillavi Actum anno domini millesimo CCXXV mense junio