Charter Document - 02230100
| Charter Number: | 02230100 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, A.D. |
| Resource Link(s): |
|
Charter:
Ego Hugo Dei gratia Lingonensis episcopus notum facio omnibus tam presentibus quam futuris quod Lambertus miles de Castellione in presentia mea constitutus dedit in perpetuam elemosinam ecclesie Julliaci viginti solidos Divion pro oleo emendo ad usum unius lampadis in ecclesia predicta singulis annis in octavibus Pasche reddendos de decem libris quas predictus L miles habet in venta de Castellione Ego vero de cujus feodo res supradicta movet predictam elemosinam laudavi Quod ut ratum permaneat presentem paginam sigilli mei munimine roboravi Actum anno gratie millesimo ducentesimo vicesimo mense februarii