Charter Document - 02230060

In nomine sancte et individue Trinitatis Amen Usus litterarum repertus est propter memoriam rerum Inde est quod ego Petrus comes Nivernis et Agnes comitissa uxor mea notum fieri volumus universis presentibus pariter et futuris quod cum domina Mathildis mater nostra comitissa Tornodori dotalitium suum de Tornodoro nobis quittavit nos benivolentiam et dilectionem quam semper circa nos affectuose semper exhibuit attendentes ducentas libras monete in eadem villa curialis in reditibus quamdiu vixerit annuatim usque ad octabas omnium sanctorum percipiendas voluntarie et pia intentione dedimus et concessimus Et propter hes ducentas libras trecentum solidos ejusdem monete duabus ecclesiis sic divisos ecclesie et capitulo beati Mammetis lingonensis centum solidos et ecclesie et sanctimonialibus de Juliaco decem libras pro anniversario ejusdem comitisse in utraque ecclesia faciendo ad octobas sancti Remigii in perpetuum dedimus et concessimus quos in stallis et ventis de Tornodoro prefatis ecclesiis assignavimus Redditus autem stallorum et ventarum Tornodori que sexaginta et decem libras valere noscuntur supradicta domina nostra pro sexaginta et decem libris sibi et dictis ecclesiis libenter et precise retinuit Ita quod si plus vel minus valerent hii redditus nichil inde ei subtraheretur vel augeretur De his itaque sexaginta et X lib memorata domina nostra quinquaginta et quinque libras in vita sue accipiat Reliqui vero CCC solidi qui de his superscriptis reditibus duabus dictis ecclesiis sicut supradictum est et ut in litteris nostris continetur in scriptis perpetuo reddentur Item in festagio et in reditibus Tornodori et in censu pratorum de nemore Cruisiaci et in censu domorum et in ab ornamento castri Cruisiaci septies XX lib et C sol eidem domine nostre assignavimus Quod si festagium Tornodori aliquo casu mutari contigerit nos aut heredes nostri ad libitum et arbitrium sepe dicte Comitisse quicquid de reditibus his deficeret ad plenum supplebimus et in terra nostra ubi ipsam pocius elegerit re assignabimus Donavimus etiam eidem domine nostre duos homines in villa Tornod unum cui nomen est Paris cum filio suo maiori et alterum Rancias appellatum quos liberos ab omni exactione eidem quitavimus Ut autem hec rata et illibata in futurum permaneant ego P comes et A comitissa hec omnia presenti scripto annotari et sigillorum nostrorum munimine fecimus roborari Ad maioris etiam robur confirmationis Philippus dominus noster illustris rex Francorum ad petitionem nostram ad ipsum firmiter teneri faciet et litteras suas de nostra voluntate factas et sigilli sui auctoritate munitas memorate tradidit comitisse Preterea dominus G Senonensis archiepiscopus et dominus Lingonensis de cujus feodo castellum et in cujus episcopatu comitatus Tornod consistit dominus etiam H Autissiodorensis et dominus J Nivernensis episcopus ad petitionem nostram id idem similiter manu capientes litteras suas de mandato nostro memorate comitisse pariter tradiderunt Hoc ipsum confirmantes hoc modo quod si nos ego scilicet P comes Autissiod aut A comitissa uxor mea vel aliqui de successoribus nostris huic nostre donationi obviare aut contradicere sumpserimus unusquisque supradictorum in episcopatus suo sine dilatione exque clamor eis in nocuerit personas nostras in terram nostram excommunicationi supponet donec sit emendatum quicquid super hoc fuerit irrogatum Hujus rei testes sunt comitissa Montis Pancerii domina Disesie Cano de Betuna Robertus de Vavrin Letericus Bailledart Milo Boenus Jobertus Damaisi Guillelmus Oldiez Petrus de Corchum Magister Thomas Magister Zacharias Guillelmus clericus comitis Dominus Hamo capellanus Actum anno verbi MC nonogesimo secundo