Charter Document - 02230011
| Charter Number: | 02230011 |
|---|---|
| Cartulary Title: | Cartulaire du prieuré de Jully-les-Nonnains |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1113 - 1137 |
| Date type: | Assigned |
| Resource Link(s): |
|
Charter:
In nomine domini Ego Bernardus Clarevallis vocatus abbas notum fieri volo quod Fulco de Barro et Rexuis uxor ejus domum suam apud Barrum positam dederunt nobis in presentia fratrum nostrorum Widonis et Gerardi sub testimonio fidelium virorum de Barro Gilleberti tum prepositi Widonis asinarii Widonis filii Gunteri Odonis Rufi Rollanni juvenis et Roberti filii ejus et Alvisi Nos quoque eamdem domum libere nobis datam quia in manu nostra retinere noluimus ecclesie de Julleio donavimus presentibus et laudantibus predictis fratribus nostris Widone et Gerardo sub testimonio eorumdem virorum quorum superius nomina sunt ascripta Ut autem libere et quiete eamdem domum predicta ecclesia possideat presentem cartam fieri et sigillo nostro muniri precepimus