Charter Document - 02230008

Charter Document - 02230008


Charter Number: 02230008
Cartulary Title: Cartulaire du prieuré de Jully-les-Nonnains
Charter Language: Latin
Charter Origin: Religious
Charter Type(s): Confirmation
Date: 1133
Date type: Internal, A.D., Calendar
Resource Link(s):

Charter:

Qui pauperibus Christi magistri sancte ecclesie necessaria providere et provisa debent auctoritate ecclesiastica defendere donum quod sanctimonialibus Juliaci facit Hubelina uxor Anserici de Cacennaco laude ejusdem mariti sui de decimis sancti Leonis presentibus litteris futurorum commendamus memorie ne oblivione aut cujuscumque ad nulletur Dei ancillarum possessio inquietudine Prefata enim mulier providens tam sue quam antecessorum suorum saluti dedit Deo et beate Marie ac sanctimonialibus Juliaci quidquid habebat in decimis ville illiusque dicitur sancti Leonis et in censu sive inquibuslibet aliis rebus nichil sibi vel successoribus suis in eadem villa preter homines suos retinens Fecit itaque hoc donum per manum domini pontificis Hatonis Trecensis de cujus casamento erat qui etiam laudavit et concessit quicquid de residua parte decimarum ejusdem ville sanctimoniales acquisierunt Et ut hoc ratum maneat sigillo suo testibus idoneis firmatum munivit assistentibus et insistentibus venerandis episcopis domino Gaufredo carnotensi atque Burchardo Meldensi necnon abbate Trium Fontium Guidone priore quoque clarevall Godefrido et Girardo fratre abbatis clarevallis Testes vero sunt Guido Rufus de Fonteto Bencilinus de Malai Rainaldus Clarellus Arraudus de Laniis Gauterius prepositus Petrus Goiuns Guinemannus Laudavit hoc totum Jacobus filius ejusdem domine coram prescriptis testibus Acta sunt hec anno dominice incarnationis mill cent tricesimo tercio indictione XI concurr VI Epacta XII in domo episcopali Kal Maii