Charter Document - 02221547

In primis filiam meam Beatricem in pupillari etate constitutam et illum vel illam que[m] vel quos Marguereta uxor mea gestans in utero unum vel plures pepererit in omnibus bonis meis pro equalibus portionibus heredes meos instituo et ipsos ad invicem substituo quod si nullum vel abortivum pepererit dicta filia mea Beatrix mihi heres in solidum existat Et si dicta uxor mea pariat filium volo quod ipse percipiat et precipue capiat et prehabeat in bonis meis ea que filius percipere et prehabere potest et debet in bonis parentum secundum usus et consuetudinem Burgondie Si vero dicta Beatrix filia mea seu ille vel illi quem vel quos dicta Margareta uxor mea gestans in utero pepererit in pupillari etate seu postquam ad annos puberes pervenerint quod absit decesserint Ysabellam Romanorum reginam B comitissam Marchie et Marguaritam dominam Allaii uxorem domini Johannis de Cabilone militis sorores meas et earumdem heredes dicte Beatrici filie [mee] et illi seu illis qui ex dicta uxore mea nascentur pro equalibus porcionibus substituo Item do et lego pro remedio anime mee et antecessorum meorum ecclesie Beate Marie Vermantonis quadraginta solidos turonensium singulis annis persolvendos item ecclesie Beate Marie Montis Regalis viginti solidos annui redditus item ecclesie Beate Marie Magdalene Visiliacensi viginti solidos annui redditus ecclesie Beati Lazari Avalonensi viginti solidos annui redditus ecclesie Beati Georgii de Insula viginti solidos turonensium annui redditus ecclesie Beate Marie de Rubeo Monte viginti solidos annui redditus ecclesie Beati Dyonisii de Vergeyo viginti solidos turonensium annui redditus Hujus autem testamenti mei seu mee ultime voluntatis executores meos eligo et constituo inferius nominatos videlicet Odonem monachum monasterii Sancti Germani Autissiodorensis priorem Cultis A[r]nulphi religiosum virum fratrem G priorem de Vaucia et nobilem virum Johannem de Mermeyaux dominum Ravieracensem et discretum virum dominum Johannem de Reomo canonicum Autissiodorensem et rogo eos ut ipsi onus executionis hujus ultime voluntatis in se suscipiant et executioni emandent et per ipsos seu per tres ipsorum seu per duos sive etiam [per] quemlibet ipsorum clamores meos qui justi apparuerint emendari et pacificari volo et debita mea omnia per manus ipsorum seu trium sive duorum seu alterius ipsorum reddi et solvi precipio Pro quibus omnibus et singulis solvendis et complendis omnia bona mea in manibus dictorum executorum pono et ipsos de ipsis bonis per presens testamentum in possessionem induco donec premissa totaliter compleantur Hanc autem meam ultimam voluntatem volo valere jure testamenti in scripto vel jure testamenti nuncupativi et si non valet jure testamenti valeat jure codicillorum vel quoquo alio jure scripto vel consuetudinario quo melius valere poterit et debere Hujus autem ultime mee voluntatis testes invoco inferius nominatos videlicet fratrem Laurencium priorem Vallis Callium fratrem G priorem Vallis Crescentis fratrem Odonem Tyseyr fratrem Hugonem priorem de Insula fratrem Humbertum de Chevanna ordinis fratrum predicatorum Divionensium fratrem Stephanum de Trecis ordinis fratrum minorum Verziliacensium et dominum Johannem de Brecis militem et eos rogo ut sigilla sua et signa una cum sigillo meo presenti testamento seu ultime voluntati apponant Et nos testes predicti rogati ad hoc specialiter et vocati sigilla nostra et signa una cum sigillo dicti Hugonis de Burgondia domini Montis Regalis presenti testamento apposuimus in testimonium premissorum Datum die in octabis Pasce anno Domini MCC octogesimo quinto mense aprili