Charter Document - 02220640
| Charter Number: | 02220640 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1318 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.654) |
Charter:
Nos officialis curie Bisuntine notum facimus quod coram mandato nostro personaliter constituti illustris et potentissimus vir dominus Hugo de Cabilone dominus de Allato ac nobilis vir dominus Humbertus miles dominus de Rubeomonte qui dominus Humbertus sciens prudens et spontaneus confessus est se tenere in feodum et in homagium a predicto domino Hugone vinginti libratas terre pro quibus vinginti libratis terre obligavit in manu predicti domini Hugonis quicquid habebat in villa de Gondenens et in territorio ejusdem quousque easdem vinginti libratas terre eidem domino Hugoni assignaverit et assederit integraliter et perfecte pro pretio quingentarum librarum bonorum stephaniensium quas quidem quingentas libras predictus dominus Humbertus confessus est et recognovit in jure et judicio coram dicto mandato nostro habuisse et recepisse a predicto domino Hugone in bona pecunia numerata Acta sunt hec in castro de Arguello die jovis post quindenam Pasce anno Domini MCCC decimo octavo presentibus ibidem nobilibus viris dominis Gerardo de Vaites et Petro de Presenteviler militibus domino Johanne dicto Bruant presbitero et Johanne de Portu notario curie Bisuntine testibus ad premissa vocatis specialiter et rogatis