Charter Document - 02220632
| Charter Number: | 02220632 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1312 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p632) |
Charter:
Nos Petrus de Costa canonicus Eduensis officialis curie Lugdunensis notum facimus universis presentibus et futuris quod constitutis coram mandato nostro videlicet Guillelmo dicto Chevalos de Cuysello clerico curie nostre jurato ad hoc a nobis deputato Guyoneto de Claravalle dicto dou Lonc ex una parte et domino Johanne domino de Cuysello milite ex altera dictus vero Guyonetus sciens et spontaneus non vi non dolo non metu ad hoc inductus nec ab aliquo in aliquo circumventus sed in recompensationem plurimorum serviciorum et beneficiorum sibi per dictum dominum de Cuysello ut asserit dictus Guyonetus multipliciter impensorum et que de die in diem impendere sibi nititur incessanter donat dictus Guyonetus cedit pariter et in perpetuum concedit donatione pura et irrevocabiliter facta inter vivos dicto domino Johanni domino de Cuysello et suis heredibus im perpetuum valitura omnia bona mobilia et immobilia presencia et futura sibi quoquo jure pertinencia tam acquisita quam in futurum acquirenda per ipsum Guyonetum quecumque et ubicumque sint et quocunque nomine nuncupentur retento tamen dicto Guyoneto in predictis bonis usufructu ad vitam ipsius duntaxat naturalem dans etiam et concedens coram dicto mandato nostro dictus Guyonetus una cum predictis bonis suis se in hominem dicti domini de Cuysello obligando personaliter in manu dicti domini volens et precipiens dictus Guyonetus coram dicto mandato nostro quod ubicumque reperiretur dictus Guyonetus quod dictus dominus de Cuysello auctoritate propria omni alio domino pretermisso possit ipsum Guyonetum accipere tanquam suum hominen proprium cum bonis suis omnibus presentibus et futuris mandans etiam et precipiens dictus Guyonetus coram dicto mandato nostro quod dictus dominus de Cuysello statim post decessum ipsius Guyoneti per se vel per alium auctoritate sua propria possessionem corporalem vel quasi et vacuam bonorum omnium dicti Guyoneti possit apprehendere tenere et possidere et de bonis predictis omnibus facere prout sibi melius viderit expedire Actum presentibus domino Stephano de Champaigniaco milite et magistro Matheo Paleincherdi clerico testibus vocatis et rogatis In cujus rei testimonium ad preces dicti Guyoneti nobis pro eo oblatas per dictum mandatum nostrum cui fidem super hiis plenariam adhibemus sigillum nostrum presentibus litteris duximus apponendum Datum die jovis ante carniprivium novum anno Domini MCCC undecimo Et ego dictus Guillelmus []