Charter Document - 02220631
| Charter Number: | 02220631 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1319 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.630) |
Charter:
Philippus Dei gratia Francie et Navarre rex universis presentes litteras inspecturis salutem Notum facimus quod licet pro majori securitate consortis nostre carissime Johanne regine voluerimus quod dilectus et fidelis Hugo de Cabilone miles noster qui est in nostris fidelitate et homagio pro terra sua quam ratione comitatus Burgondie qui comitatus licet quandiu vixerimus ipsum per nos tenendum retinuerimus ad ipsam consortem noscitur pertinere a nobis tenet in feodum cujusmodique fidelitatem et homagium nobis in vita retinuimus et etiam reservamus dicte consortis nostre regine homagium et fidelitatem intraret nolumus tamen nec nostre intentionis existit quod propter hoc dicto fideli nostro vel successoribus suis prejudicium aliquod generetur vel quod propter hoc ipse aut successores sui duplex homagium prestare im posterum teneantur In cujus rei testimonium presentibus litteris nostrum fecimus apponi sigillum Datum Parisiis decima die octobris anno Domini millesimo CCC decimo nono