Charter Document - 02220626
| Charter Number: | 02220626 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1315 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.623) |
Charter:
Nos officialis curie Bisuntine notum facimus quod Vuillelmus de Goncens filius Renaudi dicti de Douz domicellus confessus est et recognovit se esse et debere esse hominem fidelem illustris viri domini Hugonis de Cabilone domini de Allato nec non et tenere in feodum a dicto domino Hugone res et bona infra scripta videlicet dictum Rous et ejus liberos Johannem filium dicti Cherbonet Perenetum maritum Hugonete uxoris quondam dicti Cherbonet Stephanetam uxorem Bisuntii de villa d'Ostal una cum omnibus et singulis mansis que habet in villa et finagio d'Ostal et specialiter et expresse omne jus et omnem actionem proprietatem possessionem et dominium que habet et habere potest et debet in domo dicti Buset et Glanne mansoque et appendiciis ejusdem promittens In cujus rei testimonium ad requisitionem dicti Vuillermini nobis factam per mandatum nostrum sigillum curie Bisuntine presentibus litteris duximus apponendum Datum et actum presentibus domino Gerardo de Arguello domino Renaudo de Corcondray domino Petro de Husyes et domino Guillermo dicto Galois militibus testibus ad premissa vocatis et rogatis die veneris ante festum Penthecostes anno Domini millesimo CCC quinto decimo