Charter Document - 02220591
| Charter Number: | 02220591 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1293 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p434) |
Charter:
Adolphus Dei gracia Romanorum rex semper augustus ad universorum sacri Romani imperii fidelium noticiam cupimus pervenire quod anno Domini M ducentesimo nonagesimo tertio indictione septima XI kalendas novembris nobis sedentibus pro tribunali in castris ante Colombariam in figura judicii per sententiam obtentum extitit coram nobis quod spectabilis Otho comes palatinus Burgondie dominus Salinensis deberet mittere nobilem virum Johannem de Cabilone dominum de Allato in possessionem majorie Bisuntine et domus ejusdem et nos auctoritate regia dicto comiti Burgondie dedimus in mandatis ut dictum Johannem de Cabilone in possessionem majorie Bisuntine et domus ejusdem mitteret missum manuteneret et deffenderet bona fide Quare vobis universis et singulis sub obtentu gratie nostre firmiter [damus] in mandatis ut ad mittendum dictum Johannem et deffendendum in possessionem dicte majorie Bisuntine et domus ejusdem sepe dicto comiti Burgundie assistatis legaliter et fideliter consiliis et auxiliis operosis Testes hujus rei sunt venerabiles archiepiscopi Maguntinensis Coloniensis episcopi Basiliensis Spirensis illustris dux Lothoringie spectabiles comites de Viernenburch de Catzenellenbigen de Veldencia de Liningen et alii quam plures Datum loco anno indictione et die predictis regni vero nostri anno secundo