Charter Document - 02220590
| Charter Number: | 02220590 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p432) |
Charter:
Universis presentes litteras inspecturis Guillelmus Dei gracia Lausannensis episcopus salutem in Domino sempiternam Noveritis quod nobis presentibus excellentissimus princeps serenissimus dominus noster Rodulphus Dei gracia Romanorum rex semper augustus attendens sanguinis generositatem ac potentiam prepollentem illustris viri domini Johannis de Cabilone domini de Allato fidelis et fratris sui karissimi et singularis fidei ac devotionis claritatem qua coruscat erga ipsum et sacrum Romanum imperium de liberalitate regia augmentavit pedagium seu conductum castri de Joigne prout in litteris regiis super hoc confectis plenius continetur ut idem dominus Johannes mercatores in personis et rebus suis pro possibilitate virium suarum viriliter manuteneat et deffendat ac eisdem bona fide provideat de securo conductu quod eidem domino Johanni et heredibus suis suo et Romani imperii nomine concessit liberaliter in feodum ab eodem et dicto Romano imperio possidendum In cujus rei testimonium sigillum nostrum presentibus duximus apponendum Datum in cathedra beati Petri apospoli anno Domini M ducentesimo octogesimo octavo