Charter Document - 02220583
| Charter Number: | 02220583 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1291 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.419) |
Charter:
Nos Otho Dei gracia Brandeburgensis marchio quondam filius pie memorie Othonis marchionis Brandeburgensis ad universorum noticiam tenore presentium volumus pervenire quod nos consideratis meritorum insigniis nobilis viri domini Johannis de Cabilone militis domini de Allato gracias indulgencias seu concessiones sibi et heredibus suis factas per illustrem dominum Rodulphum Dei gracia Romanorum regem semper augustum nomine feodi possidendas et tenendas a predicto domino Romanorum rege et suis successoribus Romanorum regibus qui pro tempore fuerint videlicet quod predictus dominus Johannes habeat gardiam seu custodiam monasterii Sancti Eugendi dicti de Jura et membrorum ejusdem monasterii cum juridicione et omnibus juribus que dominus rex predictus et successores sui in dicto monasterio et membris ejusdem hactenus habuerunt et habere debuerunt et quod idem dominus Johannes possit monetam ad valorem denariorum parisiensium sive minus in denariis et obolis prout sibi placuerit cudere in suis terminis et districtibus ubi et quando sibi placuerit et sibi videbitur expedire approbamus consentimus et presentium testimonio confirmamus In cujus rei testimonium presentes litteras inde conscribi et sigilli nostri munimine juximus communiri Datum et actum apud Franquenbourt nono kalendas junii anno Domini MCC nonagesimo primo