Charter Document - 02220581
| Charter Number: | 02220581 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1289 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.414) |
Charter:
Nos Humbertus delphinus Viennensis comes Alb[on]ensis et dominus de Turre ac Anna uxor ejus dalphina comitissa predictorum locorum domina ad universorum tam presentium quam futurorum volumus noticiam pervenire quod cum serenissimus dominus noster Rodulphus Dei gracia Romanorum rex semper augustus ex liberalitate regie potestatis dederit et concesserit illustri viro domino Johanni de Cabilone domino de Allato consanguineo nostro carissimo et suis heredibus in perpetuum quod ipsi possint percipere et levare certam pecunie quantitatem de qualibet bala lane que ducetur a quocumque mercatore vel duci faciet quilibet mercator per archiepiscopatus Bisuntinum Lugdunensem Viennensem et per episcopatum Valentinensem prout in quadam littera sigillo regie majestatis sigillata plenius continetur nos ex speciali dilectione et familiaritate quas erga dilectum dominum Johannem gerimus et habemus et ob grata servicia nobis ab eodem impensa ex certa scientia ad majorem firmitatem pro nobis et nostris heredibus dicto domino Johanni et suis heredibus concedimus imperpetuum quod ipsi possent percipere et levare seu percipi et levari facere per totam terram nostram dominium et districtum nostrum ubicumque locorum voluerint et sibi viderint expedire super qualibet bala lane eam quantitatem pecunie quam in dictis litteris regiis continetur contradictione qualibet non obstante mandantes et precipientes per presentes omnibus baillivis castellanis judicibus justiciariis familiaribus et fidelibus nostris ut predicto domino Johanni heredibus suis et eorum nuntiis et mandatis supra dicta quantitate pecunie levanda et percipienda ut dictum est et super omnibus contentis in dictis litteris regiis adimplendis et effectui mancipandis prestent consilium auxilium et favorem contradictores et rebelles super hoc totaliter compescendo Nos vero predictus dalphinus et domina delphina ejus uxor in predictorum omnium robur et munimen sigilla nostra presentibus litteris duximus apponenda Actum anno Dominice incarnacionis MCC octogesimo nono mense junii