Charter Document - 02220572

In nomine Domini amen Nos officialis curie Bisuntine notum facimus universis quod propter hoc coram nobis in jure et notario et testibus infra scriptis personaliter constituti nobiles viri dominus Hugo de Cabilone dominus de Allato ex una parte et Johannes de Cabilone frater suus ex altera bonis mobilibus et immobilibus feodalibus et aliis videlicet existentibus visis et diligenter inspectis verbis ac tenore testamentorum seu ultimarum voluntatum parentum suorum videlicet domini Johannis de Cabilone predicti patris sui nec non domine Margarete de Burgundia matris eorum non errore sed prudentes et spontanei attenta deliberatione prehabita libere redibunt retento eidem Johanni in eis omnibus et singulis que ad dictum Johannem ex causa predicta modo predicto devenerint usufructu solo dominio et proprietate dictarum rerum omnium et singularum que ad dictum Johannem devenerint modo predicto pleno jure penes dictum dominum Hugonem remanente que premissa omnia tenebit ipse Johannes [idem] vel ejus heredes integre revertantur Si vero quod absit eadem bona seu eorum aliqua ipsum Johannem alienare quocumque modo seu distrahere de facto contingeret alienatio ac distractio pro infactis habeantur sint non distracta non alienata et careant omni robore firmitatis quin potius dominus Hugo ipsa omnia petere vendicare recuperare et exigere tanquam verus dominus poterit a quolibet possessore seu etiam detinente et eadem propria auctoritate occupare et apprehendere impugne sine juris et judicis offensa Hoc addito quod dominus Hugo prefatus concessit eidem Johanni fratri suo quod idem Johannes possit in vita vel in morte ad sue libitum voluntatis ordinare de centum libratis terre ad turonenses de rebus predictis que eidem Johanni modo predicto devenerunt extra fortalicia tamen et easdem centum libratas terre pro anima sua vel aliter ut sibi placebit transferre perpetuo inrequisito domino Hugone supra dicto licebit nichilominus ipsi Johanni [idem] conservare penitus indempnem Quas siquidem composicionem ordinacionem et convenciones ante dictas et quidquid supra continetur in eisdem Et nos officialis predictus sigillum curie Bisuntine ad majorem roboris firmitatem presentibus apponimus Datum et actum apud castrum d'Abbens Bisuntine dyocesis in camera domini Hugonis anno Domini MCCC quinto decimo XIX die mensis novembris indictione XIIII sede apostolica vacante presentibus nobilibus et discretis viris dominis Girardo de Arguello Richardo de Castellione Petro de Husyes militibus et pluribus aliis fide dignis ad premissa vocatis testibus specialiter et rogatis Et nos archiepiscopus predictus ad supplicationem dictorum fratrum et relationem dicti officialis nostri sigillum nostrum presentibus una cum sigillo officialis predicti et signo dicti notarii duximus apponendum in testimonium veritatis Datum et actum apud castrum d'Abbens Bisuntine dyocesis in camera predicti Hugonis anno Domini MCCC quinto decimo XIX die mensis novembris indictione XIIII sede apostolica vacante presentibus nobilibus et discretis viris dominis Girardo de Arguello Richardo de Castellione Petro de Usyes militibus et pluribus aliis fide dignis