Charter Document - 02220570
| Charter Number: | 02220570 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1315 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.378) |
Charter:
Universis presentes litteras inspecturis officialis curie Parisiensis salutem in Domino Noveritis quod in nostra presencia personaliter constituti viri nobiles dominus Hugo de Cabilone dominus de Allato ex una parte et Johannes de Cabilone frater suus ex altera clare recordationis domini Johannis de Cabilone quondam domini de Allato et de Nigella filii et heredes ut dicebant ass[er]uerunt et recognoverunt quod ipsi super omni parte et portione jureque totali dictum Johannem fratrem dicti Hugonis tam ratione successionis parentum quam cujusdam testamenti legati more et communionis bonorum quam etiam qualibet alia ratione contingentibus et ei debitis ex jure consuetudine et alias in omnibus et de quibuscumque bonis mobilibus et immobilibus feodalibus et aliis videlicet existentibus attenta deliberatione prehabita concordes et unanimes composuerant et ordinaverant ac inter se per modum divisionis [et] convencionis inhierant prout inferius continetur videlicet quod dictus Johannes pro toto et omni dicto et alio suo jure premissorum habebit tenebit et possidebit castrum sive castellum et castellaniam de Insula subtus Montem Regalem castellum sive castrum de Vyetaux et ejus castellaniam cum omnibus pertinenciis castellaniarum ipsarum castrum etiam sive castellum et ejus appendicias ville de Broyes cum omnibus feodis et retrofeodis et aliis dictis fructibus ratione castrorum castellaniarum et pertinenciarum predictorum competentibus et pertinentibus ad eosdem excepto feodo Droconis de Monte Medio quod feodum predictus dominus Hugo sibi retinet et reservat Item habebit [] dictus Johannes una cum predictis totalem terram quam egregia mulier domina Beatrix eorum mater[tera] comitissa Marchie et Angolisme tenet ad presens que per ejus successionem ad dictos fratres debet ut dicebant reverti salva eidem comitisse quandiu vixerit ratione quam habet et sibi debetur in castris villis et pertinenciis ante dictis post obitum cujus hec omnia et singula predicta ad dictum Johannem solum et absque participe vel socio redibunt que premissa omnia tenebit ipse Johannes in feodum a domino fratre suo predicto vel saltem partem aliquam bonorum ipsorum si ratio permiserit et ipsi domino placuerit Hugoni Item quod premissa omnia et eorum singula post obitum dicti Johannis ad eundem dominum Hugonem vel ejus heredes pleno jure et integre redibunt nec poterit dictus Johannes premissa vel eorum aliquod cujusvis alienationis perpetue vel ad tempus titulo distrahere quin post ejus obitum ut dictum est ad eumdem dominum Hugonem fratrem suum vel ejus heredes plenius et integre revertantur licet nihilominus ipsi Johanni super illis ad anime sue remedium aliquid disponere cum assensu tamen et expressa licencia dicti domini fratris sui vel ejus heredum Preterea non poterunt nec debebunt dictus saltem Johannes preter assensum dictorum dominorum Hugonis et comitisse nec ipse dominus Hugo quamdiu terram ejusdem fratris sui tenebit preter assensum similiter ejusdem comitisse nec ea etiam defuncta preter consensum dicti Johannis nemora vendere locorum predictorum vel aliquid ex nemoribus eisdem Per hoc autem dictus Johannes nichil prorsus de debitis prefati patris sui persolvet sed ab illis debitis omnibus remaneat et erit immunis penitus atque liber eaque omnia et singula debita prefatus dominus Hugo acquitare tenebitur et super illis eundem Johannem fratrem suum erga quoscumque creditores dicti patris eorum deliberare et conservare penitus indempnem In cujus rei testimonium sigillum Parisiensis curie duximus presentibus apponendum Datum anno Dominim illesimo CCC quindecimo dominica ante festum Sanctorum omnium