Charter Document - 02220562
| Charter Number: | 02220562 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1235 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.358) |
Charter:
Amarricus abbas Bullionis universis presentes litteras inspecturis rei geste noticiam Sciant quos scire oportuerit quod nos laude et consensu totius conventus nostri dedimus in casamentum Hugoni de Chaix domino de Rens et heredibus suis quicquid juris habemus in monte Sancte Agnetis et in recognitione ejusdem chasamenti dictus Hugo et heredes sui tenentur reddere ecclesie de Bullione super altare ipsius ecclesie unam libram cere annuatim in purificatione beate Marie Dictus etiam Hugo in recompensationem hujus donationis et pro remedio anime sue et antecessorum suorum dedit et concessit ecclesie Sancte Marie de Bullione quatuor equinas chargias salis in chaderia de la Domaine apud Salins possidendas pacifice in perpetuum et habendas inter ascensionem Domini et Penthecostem annuatim Statuit dictus Hugo et concessit quod quelibet domus que fiet in predicto monte reddat predicte ecclesie duos denarios censuales annuatim in festo hyemali beati Martini qui si non fuerint in predicto festo dicte ecclesie de Bullione persoluti a dominis domorum ille qui defecerit in solutione dicti census tenebitur ipsi ecclesie in tribus solidis stephaniensium pro emenda et lege cum predicto censu et quod omnes qui habitabunt in predicto monte omnes decimas suas grossas et minutas reddant in perpetuum ecclesie memorate et furnus qui fiet in predicto monte erit ecclesie de Bullione et quod nullus alius furnus fiet in eodem monte Predicti vero abbas et conventus de Bullione habebunt in ipso monte infra castrum duo casalia quorum unum tenebunt in usus proprios ad faciendum domum vel grangiam quandocumque voluerunt in altero vero casali albergabunt hominem quemcumque voluerint et idem homo habebit et tenebit in territorio ejusdem montis novem jugera terre et tres falquatas prati qui homo domino et preposito et villico ejusdem castri in nullo subjectus erit nec aliquod jus habebunt in eo ita tamen quod fidelitatem castri jurabit et proprius [erit] ecclesie de Bullione pro voluntate abbatis et conventus de Bullione de ipso homine facienda et de omnibus rebus ejus Homines vero qui in predicto monte habitabunt nullum omnimodo usagium habebunt in valle ejusdem montis versus Megetes nisi ad aquandum animalia sua Et hoc totum laudavit Guido frater ejusdem Hugonis et Agnes soror eorum In cujus rei testimonium presentes litteras sigilli mei munimine roboravi Actum anno incarnationis Dominice MCC tricesimo quinto