Charter Document - 02220561

Nos Hugo dominus de Rens et Johannes ejus filius notum facimus universis quod cum nos receperimus mutuo a nobili muliere Lora relicta nobilis viri Johannis comitis Burgundie et domini Salinensis mille libras quingentas scilicet turonensium et quingentas stephaniensium bonorum et expendibilium et pro dicta summa pecunie dicte Lore et suis reddenda et solvenda obligaverimus et tradiderimus titulo pignoris castrum nostrum de Saint Agne cum appendiciis prout in littera inde confecta continetur nos iterum a dicta Lora recepimus ducentas libras stephaniensium bonorum et expendibilium pro negociis nostris utiliter expediendis et debitis nostris urgentibus exsolvendis Pro quibus omnibus predictis summis pecunie dicte Lore et suis reddendis et solvendis obligavimus et obligamus et tradidimus vel quasi tradimus titulo pignoris predictum castrum cum appendiciis item quicquid juris vel rationis habemus vel habere debemus seu possumus in valle et in toto territorio Salinensi in hominibus censibus pratis vineis muria et reditibus proventibus seu exitibus quibuscumque excepta vinea nostra de Royante Item obligamus et tradi[di]mus vel quasi tradimus dicte Lore homagia sive feoda et servicia que tenent a nobis vassalli nostri scilicet Hugo dictus Tempeste dominus Petrus de Pontemenjart milites heredes domini Hengarrandi heredes domini Petri de Livier dicti Put heredes domini Petri de Alasia militis et Johannes de Ceyx ubicumque dicta feoda consistant et alia jura que habemus vel habere debemus vel possumus in villa et territorio Salinensi que omnia singula supra dicta tenemus in feodum ligium a predicta Lora promittentes In cujus rei testimonium nos dictus Hugo sigillum nostrum presentibus apposuimus insuper nos dicti Hugo et Johannes sigillum venerabilis capituli Sancti Anatholii Salinensis rogavimus presentibus apponi Actum et datum anno Domini MCC septuagesimo quinto die sabati ante festum sancti Georgii