Charter Document - 02220554
| Charter Number: | 02220554 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1262 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p338) |
Charter:
Ego Johannes et ego Baduinus frater ejus de Salino notum facimus universis quod cum controversia verteretur inter nobilem virum Johannem comitem Burgundie et dominum Salinensem ex una parte et nos ex altera super quatuor bullionibus quos dictus comes dederat in reditibus putei sui Salinensis domino Enjerrando militi Salinensi quondam patri nostro et heredibus suis quos habebat idem Engerrandus a matre nostra quondam filia domini Henrici de Ronchamp prout in quadam littera dicti comitis inde confecta continebatur tandem inter dictum comitem et nos concordatum est et pacificatum extitit in hunc modum scilicet quod nos spontanea voluntate non coacti fructus et exitus dictorum quatuor bullionum receptos et retemptos et omnem proventum usque ad confectionem presentium litterarum super hoc ab ipso commissum nec non et unum bullionem quem abbas et conventus Roseriarum debebant annuatim dicto comiti circa festum Omnium Sanctorum qui erat de numero dictorum quatuor bullionum dicto comiti et suis heredibus pro nobis et nostris remisimus penitus perhempniter et quittavimus Dictos vero alios tres bulliones quos ab ipso comite ego predictus Johannes pro me et dicto fratre meo recepi in feodo et casamento assedit et assignavit mihi dictus comes et dicto fratri meo in reditibus dicti sui putei habendos et recipiendos perpetuo annuatim a nobis et heredibus nostris quos legitime de corporibus nostris descendentes habebimus scilicet unum bullionem in septimana nativitatis Domini alium bullionem in septimana Pasce et alium bullionem in festivitate Omnium Sanctorum In cujus rei testimonium ad preces nostras Sancti Anatholii et Sancti Michaelis Salinensis capitula sigilla sua presentibus litteris apposuerunt Actum in crastino octabarum beati Andree apostoli anno Domini MCC sexagesimo secundo