Charter Document - 02220540
| Charter Number: | 02220540 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1287 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.294) |
Charter:
Nos officialis curie Bisuntine notum facimus quod Guillelmus de Monte domicellus Losannensis dyocesis ad hoc specialiter veniens in jure et judicio coram nobis cedit quittat penitus remittit et im perpetuum nobili viro domino Johanni de Cabilone domino de Allato et ejus heredibus quicquid juris actionis reclamationis dictus Guillelmus habet habere potest et debet quocumque modo et quacumque causa erga predictum dominum Johannem et suos ratione redemptionis Petri dicti Belex burgensis de Moudon quem ipse Guillelmus et Petrus de Poilley domicellus ceperunt et ipsum Petrum Belex predicto domino Johanni captivatum reddiderunt pro quadraginta libris stephaniensium cedendo quittando et remittendo predicto domino Johanni pro predictis quadraginta libris quicquid juris actionis vel reclamationis idem Vuillelmus habet habere potest et debet posset aut deberet in redemptione dicti Petri Beleys de quibus quadraginta libris dictus Guillelmus confessus est in jure et judicio coram nobis se habuisse et recepisse a dicto domino Johanne de Cabilone viginti libras stephaniensium in pecunia numerata renuncians Super aliis vero viginti libris sic convenit dictus Vuillelmus cum dicto domino Johanne ut asseruit idem Guillelmus in jure et judicio coram nobis quod si contingat inter predictum dominum Johannem et dominum Ludovicum de Sabaudia dominum Waudi pacis federa reformari ita quod non redderet idem dominus Johannes illud quod ipse habuit pro redemptione dicti Petri Belex vel etiam recrederet dictus dominus Johannes tenetur reddere et solvere dicto Willelmo alias viginti libras Si vero in reformatione pacis inter predictos dominum Johannem et Ludovicum precium redemptionis dicti Petri Belex oporteat reddi aut etiam recredi predictus Guillelmus quittat cedit penitus et remittit im perpetuum dicto domino Johanni hujusmodi viginti libras et omne jus et omnem actionem quod et quam idem Guillelmus habet habere potest et debet in redemptione Petri dicti Belex pro dictis viginti libris sibi jam solutis ut superius est expressum nec poterit exigere vel petere idem Guillelmus a dicto domino Johanne vel ejus heredibus aliquid de dampnis si qua sustinuit vel incurerit ratione seu occasione predicti Petri Belex Hec autem omnia et singula predicta promisit dictus Guillermus per juramentum suum in jure attendere efficere et complere et contra non venire nec contra venire volenti consentire tacite vel expresse [] In cujus rei testimonium ad preces dicti Guillelmi sigillum curie Bisuntine presentibus duximus apponendum Datum XIIII kalendas decembris anno Domini MCC octuagesimo septimo