Charter Document - 02220538
| Charter Number: | 02220538 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Quittance |
| Date: | 1273 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.284) |
Charter:
A son très chier oncle et amé mons Amey de Mombeliart signour de Monfacon Othes de Bourgoigne sires de Salins salut et bon amour Je vous mand et pri et requier que vous delivroiz et bailloiz à nostre amée et feal Lore çay en arriers fame dou noble baron Jehan conte de Bourgoigne et signour de Salins mon pere la vile de Requenot la vigne de Novelois et l'estant de Chaverey et les issues desdites choses car quittées li ay se droit nul y avoie et ce ne laissié[s] en nulle maniere En tesmoing de ceste chose j'ay fait metre mon seal pendant en ces presentes lettres donées en Bracon la voille de feste saint Jehan Baptiste l'an Nostre Signour mil doux cenz et septante et trois