Charter Document - 02220520
| Charter Number: | 02220520 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1303 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.246) |
Charter:
Nos officialis curie Bisuntine notum facimus quod nobilis domina domina Marguerita relicta domini Petri quondam domini de Mernay militis consideratis diligenter et inspectis gratis subsidiis patrociniis beneficiis et curialitatibus sibi et suis factis et impensis sibi et suis et ab eadem receptis a nobili viro domino Johanne de Cabilone domino de Allato milite et que et quas sibi et suis facit de die in diem fideliter et impendit idem dominus Johannes ne ingratitudinis vicium incurrere videatur predicta Marguerita in recompensacionem et renumeracionem predictorum subsidiorum patrociniorum beneficiorum et curialitatum dat donat tradit vel quasi concedit et deliberat et in jure et judicio coram nobis ad hoc specialiter veniens de expressis voluntate et consensu dilectorum filiorum suorum Johannis domicelli et Amedei clerici prestitis eidem Marguerite in premissis coram nobis confessa et publice recognovit spontanea et ex certa scientia non vi non dolo non metu ad hoc inducta se dedisse donasse tradidisse vel quasi et concessisse eidem domino Johanni pro se et suis recipienti mera et pura et libera donatione facta inter vivos irrevocabiliter et im perpetuum valitura suos [homines] Bruere et Moteroy de Andelot Bisuntine diocesis cum quadraginta solidatis terre censualis et cursibilis pro tempore in civitate et dyocesi Bisuntina propinquioribus predictis rebus donatis nec non cum omni jure dominio actione ratione que et quas habebat habere poterat et debebat aut habet habere potest et debet predicta Marguerita in predictis rebus donatis seu aliqua earumdem quoquo modo que quidem predicta donata dicta Marguerita coram nobis asseruit esse de suo proprio et franco allodio In quorum premissorum omnium et singulorum testimonium ad requisitionem predictorum sigillum curie Bisuntine presentibus litteris duximus apponendum Datum mense januario anno Domini MCCC secundo