Charter Document - 02220519
| Charter Number: | 02220519 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal, A.D., Calendar, Feast |
| Resource Link(s): |
Patrimoine numérisé de Besançon - MS Droz 22 - Tome 2 (p244) |
Charter:
Nos capitulum Bisuntinum notum facimus universis presentes litteras inspecturis quod nos considerata utilitate et necessitate ecclesie nostre Bisuntine recolentes de beneficiis et serviciis ab illustri viro Johanne comite Burgundie et domino Salinensi nobis et predicte ecclesie nostre impensis et que nobis et ecclesie predicte impendit in recompensacionem predictorum serviciorum quamvis in totum ad presens non recompensamus damus eidem Johanni comiti Burgundie tradimus et concedimus mera et pura donacione irrevocabili inter vivos et suis im perpetuum vel cui idem comes dare et concedere voluerit duos solidos censuales quos habemus et percipere consuevimus in virgulto quondam domini Bernardi Motran sito subtus montem Sancti Anatholii Salinensis possidendos pacifice et habendos im perpetuum et quicquid juris racionis et reclamacionis habemus vel habere possumus aut debemus in dicto loco racione dicti census promittentes In cujus rei testimonium presentibus litteris sigillum curie Bisuntine rogavimus et fecimus apponi Actum Bisuntii XIIII kalendas marcii in quindena purificacionis beate Marie virginis anno Domini MCCLX sexto