Charter Document - 02220516

Nos Humbertus dalphinus Viennensis comes de Albone dominusque de notum facimus universis presentes litteras inspecturis quod nos debemus et im publico ex certa scientia nos debere confitemur illustri et potenti viro domino Johanni de Cabilone domino de Allato triginta quinque millia librarum parvorum turonensium ex causa et nomine dotis Beatricis filie nostre future sponse nobilis domicelli Hugonis de Cabilone filii predicti Johannis domini de Allato de qua quidem summa pecunie promittimus bona fide juramentoque nostro ad sancta Dei evangelia corporaliter prestito sub expressa et speciali obligatione omnium bonorum nostrorum tam mobilium quam immobilium presentium et futurorum ubicumque existentium satisfacere de novies mille librarum predicte monete predicto domino Johanni aut mandato suo apud Montem Regalem plenarie et cum effectu in festo beati Michaelis archangeli nunc proximo venienti et instanti omnibus exceptionibus deffensionibus juris et facti occasionibus et impedimentis guerrarum ortarum et oriendarum cessantibus penifus et remotis Reliquam vero summam pecunie dicte dotis restantem ad solvendum ultra predictas novies mille libras turonensium juramento et obligationibus quibus supra statutis terminis concordatis in aliis litteris inter nos et dominum Johannem promittimus dicto domino Johanni solvere tradere et deliberare in pace et sine lite dampna vero interesse deperdita costamenta et expensas que et quas moveret sustineret incurrere et sustinere posset idem dominus de Cabilone occasione dictarum novies mille librarum parvorum turonensium statuto termino atque loco non solutarum promittimus nos prefatus ipsi domino Johanni et suis integre restituere et penitus resarcire et super eisdem promittimus credere et credi volumus simplici verbo dicti domini Johannis et suorum et eorum certi mandati sine alio juramento aut probationibus exigendis Pro qua quidem solutione dictarum novies mille librarum dicte monete statuto termino facienda et attendenda si deficeremus quod absit rogamus illustres viros Amedeum comitem Gebennensem Humbertum dominum de Thoire et de Vilars dilectos nepotes et Symonem Montis Beligardi dominum de Montron ut ex parte nostra et pro nobis se constituant fide jussores de septies mille libris parvorum turonensium Nos vero Amedeus comes Gebennensis Humbertus dominus de Thoire et de Vilars et Symon Montis Beligardi dominus de Montron ad requisitionem dicti domini delphini constituimus et ordinamus nos fide jussores bonos et ydoneos in manu dicti domini Johannis de Cabilone videlicet nos Amedeus comes Gebennensis in tribus millibus librarum monete ante dicte promittentes nos omnes predicti fide jussores per pactum efficax juramentoque nostro ad sancta Dei evangelia corporaliter prestito in manu Haymonis Megneti publici auctoritate imperiali notarii et jurati curie Lugdunensis cui curie super hoc nos supponimus elapso festo beati Michaelis supra dicto infra octo dies post requisitionem dicti domini Johannis de Cabilone ire apud Nantuacum et ibi detenere ostagia expensis nostris propriis et inde non recedere sine licentia ipsius domini Johannis aut mandati sui donec eidem domino Johanni aut suis vel mandato suo de dictis septies mille libris parvorum turonensium et dampnis et interesse propter hoc integre satisfactum [fuerit] renunciantes Et est sciendum quod nos Humbertus prenominatus delphinus infra quindecim dies post datam presentium litterarum de predicta summa pecunie triginta quinque millium librarum parvorum turonensium pro prima solutione debita ex causa dotis predicte debemus satisfacere dicto domino Johanni de quinque millibus librarum predicte monete solucio quarum quinque millium librarum turonensium solucionem faciendam in festo predicti beati Michaelis archangeli de predictis novies mille libris predicte monete impedire non potest seu debet In cujus rei testimonium nos principalis debitor et fide jussores sigilla nostra presentibus litteris duximus apponenda Datum anno Domini MCCC tertio die martis ante festum beate Marie Magdalene Et ego prefatus Aymo Megneti publicus auctoritate imperiali notarius et juratus curie Lugdunensis sub hoc signo meo presentem litteram expedivi et signavi rogatus a dictis fidejussoribus apud Montem Regalem dicta die martis presentibus fratre Guillelmo abbate Balerne Cisterciensis ordinis Guillelmo domino de Jaiz Humberto domino Clarevallis et Amedeo de Monte Acuto legum professore et domino Guydone de Meolano canonico Embredunensi testibus ad premissa vocatis et rogatis