Charter Document - 02220512
| Charter Number: | 02220512 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1269 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.215) |
Charter:
Je Symon de Jonvile sires de Jaiz fais savoir à touz que je et mes chiers uncles Estenes sires d'Oyseler qui avons estez diseours des parties es hoirs le noble baron Jehan çay en arriers conte de Bourgoigne et signour de Salins nostre chier signour avons mis en la partie et en la signorie de L'Estoile la vile de Plainoisel et la vile de Noveloys Et pour ce que ce soit ferme chose et creable je lidiz Symon de Jonvile signour de Jaiz ay mis mon seal en ces presentes lettres en tesmoignaige de verté Faites l'an de l'incarnacion Nostre Signour qui corroit per mil CC sexante et nuef ou mois de may