Charter Document - 02220500
| Charter Number: | 02220500 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1272 |
| Date type: | Internal, A.D., Feast, Lunar |
| Resource Link(s): |
Patrimoine numérisé de Besançon - MS Droz 22 - Tome 2 (p.202) |
Charter:
Nos Hugo dux Burgondie notum facimus universis presentes litteras inspecturis quod nos donamus et concedimus dilecto filio nostro Hugonino tanquam bene merito donatione inrevocabili inter vivos villas cum pertinenciis et appendiciis justiciis et mandatis inferius comprehensa seu comprehensas retento nobis usufructu ad vitam nostram videlicet castrum Montis Regalis castrum dictum Gerart et castrum Avalon castrum Montis Barri Grignon Viteal Broies Darci Insulas sitas en Morvent Veulaignes en Domoy Aina Salive Estalente Pasques Lantenay gardam de Flore Pomarcum et Voleigna ita tamen quod si dominus Hugoninus decederet sine liberis volumus quod institutio et substitutio facta in testamento seu ultima voluntate nostra super predictis rebus vendicet sibi locum et obtineat roboris firmitatem nam per presentem donacionem predicte institutioni et substitutioni facte in testamento seu in ultima voluntate nostra nolumus aliquod prejudicium generari In cujus rei testimonium presenti donationi et litteris sigillum nostrum duximus apponendum Datum die lune proxima post festum beati Luce euvengeliste anno Domini millesimo CC septuagesimo secundo