Charter Document - 02220496
| Charter Number: | 02220496 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p185) |
Charter:
Nos frater Yvo miseratione divina Clugniacensis ecclesie minister humilis notum facimus universis presentes litteras inspecturis quod nos permutationem factam a priore et conventu Romani Monasterii Lausannensis dyocesis de hominibus suis de Riveria mansis eorum et rebus aliis quibuscumque quos et quas habebant et habere debebant tam ipsi quam prioratus de Lacu Dampni Walterii in dicta villa de Riveria et territoriis ejusdem ville et de Dompna Petra cum viris nobilibus domino Johanne de Cabilone domino de Allato et Hugone fratre suo canonico Lugdunensi scilicet pro duodecim libratis terre stephaniensium annui redditus assignatis a dictis fratribus dicti priori et conventui in reditibus eorum putei Salinensis qui fuit patris eorundem fratrum et pro villa cum appendiciis de Chantegrue prout in litteris super hoc confectis plenius continetur diligenti super hoc inquisitione facta laudamus approbamus et confirmamus et predicte permutationi facte auctoritatem nostram interposuimus et decretum In cujus rei testimonium sigillum nostrum litteris presentibus duximus apponendum Datum anno Domini M ducentesimo octogesimo nono mense octobris