Charter Document - 02220490
| Charter Number: | 02220490 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1290 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (P.167) |
Charter:
Nos frater Guillelmus dictus abbas Bullionis Cisterciensis ordinis Bisuntine dyocesis totusque ejusdem loci conventus notum facimus universis presentes litteras inspecturis et audituris quod nos pensata et considerata utilitate ecclesie nostre diligenti deliberatione super hoc prehabita tradidimus et concessimus et deliberavimus titulo permutationis nobili viro domino Johanni de Cabilone domino de Allato et suis heredibus et successoribus im perpetuum totam villam nostram de Megetes et grangiam ibidem existentem cum omnibus juribus pertinenciis et appendiciis prout rupes dependent circumquaque versus dictam vallem necnon spacium terre super dictas rupes continens duas toises et quicquid infra dictos terminos habemus habere possumus et debemus in pratis campis nemoribus et aliis quibuscumque quocumque nomine censeantur necnon et feodum nostrum castri et ville de Sancta Agnete et omne jus quod habemus vel habere possumus et debemus in omnibus supra dictis pro viginti libris currentis et usualis monete in civitate et dyocesi Bisuntina nobis et successoribus nostris solvendis et reddendis annis singulis im perpetuum in octabis festivitatis Omnium Sanctorum apud Salinum a dicto Johanne et suis heredibus et successoribus super redditus suos salnerie Salinensis burgi communis retinentes im perpetuum nobis et successoribus nostris in dicta valle ecclesiam cum cimeterio et habitatione infra cimeterium duarum personarum quarum altera saltem sit religiosa nullum usagium in dicta valle habentium item retinentes nobis et successoribus nostris jus patronatus dicte ecclesie et decimas dicte vallis a dicto nobili et suis et aliis omnibus in dicta valle excolentibus seu excoli facientibus et segetes levantibus [nobis debitas] De ceteris autem quibuscumque proventibus seu fructibus ibidem decimas percipere non debemus Facta est autem predicta permutatio ex concessione capituli generalis et expresso consensu reverendi in Christo patris domini Johannis abbatis Clarevallis In cujus rei testimonium nos predictus abbas sigillum nostrum pro nobis et conventu nostro presentibus litteris duximus apponendum et nos predictus conventus quia sigillum non habemus proprium sigillo dicti abbatis nostri usi sumus in hac parte Actum et datum anno Domini MCC octogesimo nono mense februario