Charter Document - 02220488
| Charter Number: | 02220488 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1292 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.163) |
Charter:
Noverint universi presentes litteras inspecturi quod religiosi viri abbas et conventus monasterii Sancti Pauli Bisuntini ex una parte et viri religiosi Guillelmus abbas et conventus monasterii Balerne Cisterciencis ordinis Bisuntine dyocesis ex altera predicte partes pensata super hoc utilitate monasteriorum predictorum diligenti deliberatione super hoc prehabita contractum permutationis inter se inierunt sub hac forma quod dicti abbas et conventus Sancti Pauli permutaverunt et titulo et nomine permutationis tradiderunt vel quasi et concesserunt im perpetuum dicto abbati et conventui Balerne medietatem furni et molendini sitorum in villa de Alasia Cristinum dictum Voillart cum manso suo item quidquid dicti abbas et conventus Sancti Pauli habebant tenebant et possidebant vel habere poterant in villa de Alasia juribus oblacionibus pertinentibus ad dictos abbatem et conventum Sancti Pauli ratione juris patronatus dicte ecclesie de Alasia et jure presentandi ad eamdem predicto monasterio Sancti Pauli integraliter retentis Que omnia et singula supra dicta sic permutata dictus abbas et conventus Sancti Pauli promiserunt bona fide dictis religiosis de Balerna garantire deffendere et pacificare contra omnes Predicti vero abbas et conventus de Balerna invicem titulo et nomine permutationis predicte dederunt tradiderunt vel quasi assignaverunt et concesserunt dictis abbati et conventui Sancti Pauli duodecim libras stephaniensium annui et perpetui redditus percipiendas et habendas singulis annis in media quadragesima a dictis religiosis Sancti Pauli in reditibus quos dicti religiosi de Balerna habent et possident in puteo dominorum Salinensium liberas et immunes ab omni onere feodi servicio et qualibet alia servitute promittentes In cujus rei testimonium nos frater Theobaldus Dei gracia abbas Cisterciensis diligenter cognoscentes omnia et singula ad utilitatem et commodum utriusque monasterii predictorum acta et gesta esse et nos dictus Johannes de Cabilone dominus de Allato omnibus et singulis premissis expresse consentientes et promittentes bona fide dictis religiosis Sancti Pauli predictas duodecim libras annui redditus garantire deffendere et pacificare contra omnes semper et ubique ad requisitionem predictarum partium sigilla nostra una cum sigillis dictarum partium presentibus litteris duximus apponenda Et nos predicte partes sigilla nostra una cum sigillis predictorum domini abbatis Cisterciencis et domini Johannis de Cabilone super hoc a nobis rogatorum presentibus litteris apposuimus in testimonium predictorum Datum III nonas julii anno Domini MCC nonagesimo secundo