Charter Document - 02220487
| Charter Number: | 02220487 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.160) |
Charter:
H abbas de Golia [et] St archidiaconus Salinensis omnibus presentem litteram inspecturis rei geste notitiam Sciant presentes et futuri quod cum discordia verteretur inter ecclesiam Sancti Pauli Bisuntini ex una parte et dominum Fromundum de Alasia et filios suos ex altera super terris hominibus et rebus aliis de Alasia tandem compositio facta est inter ipsos in presencia nostra sub hac forma Ecclesia Sancti Pauli Bisuntini et dominus Fromundus dimidiabunt inter se in omnibus et per omnia quicquid habent in justicia et dominio de Alasia et suam medietatem dicte justicie et quartam partem omnium hominum et terram quam dictus Stephanus possidet in eadem villa ipse et heredes sui tenebunt in homagium perpetuum ab ecclesia Sancti Pauli preterea furni et molendini que dominus Stephanus possidet in dicta villa erit medietas ecclesie Sancti Pauli integre item vilgultum quod idem Stephanus possidebat in eadem villa integre cedet ecclesie Sancti Pauli item Stephanus et heredes sui decimas de laboribus suis in territorio de Alasia reddant ecclesie Sancti Pauli furnum vero quem dictus P filius ejusdem Stephani tenet in dicta villa ex parte uxoris sue dimidiabit ecclesie Sancti Pauli Item ab utraque parte laudatum est et concessum quod in dicta villa nec molendinum nec furnus fient ab ipsis vel ab hominibus eorum preter illa que facta erant tempore pacis facte nisi de communi consensu de quadam sede molendini in qua dictus P partem habebat ex hereditate uxoris sue collaudatum fuit et concessum similiter quod si aliquando contigerit quod in eadem sede molendinum edificaretur ecclesia Sancti Pauli et dominus P communiter sumptus ponent et fructus inter se dimidiabunt Hoc totum laudaverunt et se servaturos fide data promiserunt dictus Stephanus et filii ejus scilicet P miles Guido Vuillelmus Johannes et Jornez filia ejusdem Stephani et uxor prefati profilia quondam domini Joceranni de Alasia In cujus rei testimonium presentem cartam fecimus sigillorum nostrorum munimine roborari Acta apud Sanctum Paulum in presencia nostra anno gratie MCCXXV septimo decimo kalendas decembris