Charter Document - 02220486
| Charter Number: | 02220486 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1292 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.155) |
Charter:
Nos officialis curie Bisuntine notum facimus quod religiosus vir frater Guillelmus abbas Balerne ex una parte et nobilis vir dominus Johannes de Cabilone dominus de Allato ex altera dicte partes contractum permutationis inierunt ac eciam confessi sunt in jure coram mandato nostro iniisse inter se sub hac forma videlicet quod dominus abbas considerata super hoc utilitate monasterii sui permutavit et titulo et nomine permutationis tradidit vel concessit im perpetuum dicto domino Johanni pro se et suis heredibus medietatem furni et molendinorum sitorum in villa de Alasia item virgultum suum de Alasia item homines suos de Alasia videlicet dictum Miget cum manso suo Parisium cum manso suo dictum Baul et fratrem ejus cum manso suo Hugonem nepotem ejus cum manso suo Hugonem dictum Barevier cum manso suo dictum Montoy cum manso suo Renaldum filium Berdit cum manso suo Vuillelmum cum manso suo Cristinum dictum Voillart cum manso suo item quidquid abbas Balerne habet habere potest et debet in villa territorio et finagio de Alasia videlicet in justiciis feudis dominio hominibus tailliis terris pratis nemoribus piscariis pascuis furnis molendinis aquarum decursibus et omnibus aliis rebus et possessionibus corporalibus quocumque nomine censeantur exceptis decimis et jure percipiendi easdem in dictis villa finagio et territorio de Alasia et jure patronatus ecclesie de Alasia et fructibus proventibus obvencionibus juribus et oblacionibus que omnia excepta pertinent ad religiosos viros abbatem et conventum Sancti Pauli Bisuntini ratione juris patronatus ecclesie de Alasia que omnia et singula permutata dictus abbas Sancti Pauli permutaverat predicto abbati Balerne prout in quodam instrumento super permutatione facta inter predictos dominos abbates de rebus predictis confecto quod instrumentum vidit et legit predictum mandatum nostrum et traditum [est] per manum dicti abbatis Balerne dicto domino Johanni dictam permutationem faciendo plenius continetur Et hec omnia et singula permutata promisit dictus abbas Balerne dicto domino Johanni garantire pacificare et deffendere contra omnes Predictus vero dominus Johannes titulo et nomine permutationis predicte dedit tradidit vel quasi assignavit et concessit dicto abbati Balerne duodecim libras stephaniensium annui et perpetui redditus percipiendas et habendas singulis annis in media quadragesima a dicto abbate Balerne in reditibus quos dictus dominus Johannes habet et possidet in puteo Salinensi liberas et immunes ab omni onere feodi servicio et qualibet alia servitute In cujus rei testimonium ad relacionem dicti mandati nostri sigillum curie Bisuntine presentibus litteris duximus apponendum Datum V kalendas decembris anno Domini MCC nonagesimo secundo