Charter Document - 02220480

Nos Hugo dux Burgundie notum facimus universis presentes litteras inspecturis quod nos per escambium quittavimus concessimus et tradidimus carissimo et fideli consanguineo nostro Johanni comiti Burgundie et Cabilonensi et heredibus suis in perpetuum totam terram quam habueramus in escambium a dilecto et fideli nostro Jocerano domino Branciduni et uxore sua et heredibus suis videlicet Bracon et omnia alia castra cum omnibus appendiciis et pertinenciis tam in feodis quam in dominio et omnibus aliis commodis et Honnas et Willafens cum appendiciis et pertinenciis eorundem et omnia que pertinent ad dominium et baroniam Salini que conquesieram et habebam vel habere debebam Dedimus etiam quittavimus concessimus et tradidimus per dictum escambium eidem comiti et heredibus suis in perpetuum totum expletum quod fecimus erga dominum Galcherum de Commerceyo et heredes suos quod tale est videlicet quod idem Galcherus intravit homagium nostrum ita quod in comitatu Burgundie et ultra Saonnam devenit homo ligius noster ante omnes salva ligiatione aliorum dominorum suorum et quod tenet a nobis Castrum Villanum et Monrevel jurabilia et reddibilia nobis et heredibus nostris Promisit etiam nobis idem Galcherus quod nec ipse nec heredes sui firmabunt aliquid nec aliquam fortereciam facient apud Castrum Villanum nec in castro nec in colle nisi per voluntatem et consensum nostrum vel heredum nostrorum Preterea Symon et Guillermus filii dicti Galcheri intraverunt homagium nostrum ligium ante omnes ita quod ille qui tenebit dicta castra post dictum Galcherum erit homo noster ligius ante omnes nisi ita contingeret quod tota terra dicti Galcheri ad unum heredem deveniret quia tunc ille heres esset homo noster sicuti est sepe dictus Galcherus et si alter filiorum predictorum ejusdem Galcheri intraverit homagium nostrum pro dictis castris alter erit liberatus ab homagio nostro Et si idem Galcherus et filii sui predicti habebant jus aliquod in calderia de Salinis illud posuerunt in voluntatem nostram Dedimus etiam quittavimus concessimus et tradidimus eidem Johanni comiti et heredibus suis feodum de castro des Clees et talem rationem qualem habebamus in feodo de Chacins Et si quis contraire vellet donacionibus quittacionibus concessionibus tradicionibus et escambio supra dictis nos dictum comitem teneremur juvare ad defendendum predicta tanquam hominem nostrum ligium bona fide De omnibus vero predictis nichil omnino possumus acquirere nec heredes nostri nisi de voluntate comitis aut heredum suorum sed et de predictis omnibus nos devestivimus et dictum comitem corporaliter investivimus pro se et heredibus suis Idem siquidem comes pro omnibus supra dictis sibi a nobis concessis et traditis concessit quittavit et tradidit nobis et heredibus nostris in escambium totum comitatum Cabilonensem in omnibus commodis tam in feodis quam in dominio guarda et omnibus aliis rebus ad dictum comitatum pertinentibus citra Saonnam a parte regni Francie et Auxonam cum omnibus pertinenciis et appendiciis et omnia feoda de villa Axonie et feodum domini Petri de Sancto Sequano et totam terram que movet de capite karissime matertere nostre Matildis comitisse Cabilonensis uxoris sue ubicumque sita sit dicta terra citra Saonnam a parte regni Francie usque Auzun et appendicias Omnia autem supra dicta idem comes et predicta matertera nostra Matildis comitissa Cabilonensis uxor ejus comes Stephanus pater ejusdem comitis Cabilonensis Agnes uxor ejusdem comitis Stephani et Hugo filius predicti comitis Cabilonensis juramento corporaliter prestito voluntate spontanea tenere firmiter promiserunt et nobis et heredibus nostris plenarie quittaverunt nec unquam per se vel per alios occasione aliqua contraibunt nec ibidem possunt aliquid de cetero reclamare Nos etiam sicut predictum est juramento prestito premissa promisimus tenere et in omnibus firmiter observare In cujus rei testimonium presentes litteras sigilli nostri munimine roboravimus Actum anno gratie MCCXXXVII mense junio crastino octabarum Penthecostes