Charter Document - 02220477
| Charter Number: | 02220477 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1274 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.124) |
Charter:
Nos Johannes de Rens filius nobilis viri domini de Rens et Clemencia ejusdem Johannis uxor notum facimus universis presentes litteras inspecturis quod nos debemus nobili mulieri Lore uxori quondam nobilis viri Johannis comitis Burgundie et domini Salinensis mille libras scilicet quingentas libras turonensium et quingentas libras stephaniensium novorum bonorum [et] expendibilium quas a dicta Lora habuimus et recepimus mutuo in pecunia numerata plenarie pro nostris negociis et debitis urgentibus expediendis utiliter et solvendis pro quibus mille libris obligavimus et obligamus [et] tradidimus titulo pignoris dicte Lore castrum nostrum de Saint Agne cum appendiciis dicti castri quod castrum cum appendiciis est de feudo ligio dicte Lore Et est sciendum quod de consensu et voluntate nostra dicta Lora potest in firmatione vel edificatione dicti castri expendere usque ad ducentas libras stephaniensium pro quibus ducentis libris si eas expenderit vel pro ea summa quam expenderit infra dictam summam ducentarum librarum obligavimus similiter castrum supra nominatum dicte Lore Obligamus etiam dicte Lore pro dicta summa omnia feuda et homagia que vassalli nostri a nobis tenent et in quibus nobis tenentur ratione dicti castri et ejus appendiciarum et precipimus omnibus vassallis et hominibus nostris dicti castri et appendiciarum ejus ut homagia et fidelitates in quibus nobis tenentur faciant et observent fideliter dicte Lore nomine gagerie supra dicte Et de omnibus predictis nos devestimus et dictam Loram nomine quo supra in possessionem misimus et mittimus corporalem Et sciendum est quod quando de dictis mille libris et expensis quas in dicti castri firmatione vel edificatione infra summam ducentarum librarum stephaniensium dicta Lora fecerit eidem Lore satisfeceremus et solverimus dictum castrum cum appendiciis et feudis nobis debet tradi et deliberari secundum morem et consuetudinem gagerie salvo tamen feudo ligio dicte Lore et jure quod debet habere in castro superius nominato In cujus rei testimonium sigilla nobilium virorum capituli Sancti Anatholii et Sancti Michaelis Salinensis rogavimus litteris presentibus apponi Actum anno Domini MCC septuagesimo quarto in festo assumptionis beate Marie