Charter Document - 02220470
| Charter Number: | 02220470 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1282 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.112) |
Charter:
Ego Stephanetus de Ceys domicellus quondam filius domini Richardi militis domini de Cey notum facio universis presentes litteras inspecturis et audituris quod ego confiteor et dico in veritate me habuisse et recepisse a nobili viro domino Johanne de Cabilone domino de Allato domino meo viginti libras bonorum et expendibilium turonensium in pecunia numerata et de hiis teneo me plenarie pro pagato pro qua pecunie summa obligavi et nomine [et] titulo obligacionis tradidi predicto domino Johanni domino meo duas partes pro indiviso de foresta sita subtus villam de Deserviler et piscatores meos homines meos videlicet Winetum et Perrenetum fratres et eorum liberos de Emondens cum eorum mansis seu te[ne]mentis et riveriam meam de Emondens que predicte res omnes et singule sunt de feodo predicti Johannis domini mei et eas ab ipso teneo in feodum In cujus rei testimonium ego predictus Stephanetus domicellus sigillum venerabilis capituli ecclesie Sancti Anatholii Salinensis presentibus litteris rogavi et feci apponi Actum XI kalendas septembris anno Domini MCC octogesimo secundo