Charter Document - 02220464
| Charter Number: | 02220464 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1308 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.98) |
Charter:
Nos officialis curie Bisuntine notum facimus quod Johannes filius quondam dicti Sicuene civis Bisuntini sciens et spontaneus vendidit cedit et concedit ac etiam confessus est in jure et judicio coram nobis ad hoc specialiter veniens se pro se et heredibus suis vendidisse penitus et im perpetuum cessisse et concessisse tradidisse vel quasi nobili viro domino Johanni de Cabilone domino de Allato et suis heredibus seu successoribus pro pretio trecentarum et quinquaginta librarum usualis et cursibilis monete sibi solutarum in pecunia numerata a dicto domino Johanne emptore quandam domum cum fundo pertinenciis et appendiciis ante et retro inferius et superius sitam Bisuntii inter domum fratrum Sancti Spiritus Bisuntii ex una parte et domum que pertinet ad majoriam Bisuntii ex altera quam quidem domum sic venditam cum fundo appendiciis et pertinenciis ipsius dictus Johannes venditor pro se et suis dicto domino Johanni emptori et suis promisit fide data in manu nostra garantire Ceterum in nostra presentia propter hoc personaliter constituta Stephaneta filia Johannis de Belna civis Bisuntini uxor dicti Johannis venditoris predicte venditioni dicte domus consentiit In cujus rei testimonium ad requisitionem dicti Johannis venditoris et dicte Stephanete hiis presentibus litteris sigillum curie nostre duximus apponendum in testimonium veriatis Datum XII kalendas junii anno Domini MCCC octavo