Charter Document - 02220458
| Charter Number: | 02220458 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1312 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.79) |
Charter:
Nos officialis curie Bisuntine H decani Bisuntini sede vacante notum facimus universis quod personaliter constituti et ad hoc specialiter venientes Stephaneta relicta dicti Rufi de Myone Perreta et Petrus ejus liberi confessi sunt in jure coram mandato nostro et publice recognoverunt se vendidisse quittasse et concessisse im perpetuum et irrevocabiliter nobili viro domino Johanni de Cabilone domino Arlati et suis vel cui concedere voluerit sextam decimam partem nemoris vulgariter nuncupati de Chamberon siti in territorio de Myone juxta nemus vulgariter appellatum Cham de Remel ex una parte et juxta nemus heredum domini Fromondi de Alasia quondam militis ex altera cum omni jure racione accione reclamacione et dominio quotquot et quas habent habere possunt et debent in predicta decima sexta parte nemoris pro precio viginti octo librarum ac tresdecim solidorum et quatuor denariorum stephaniensium sibi integre soluto in bona pecunia legitime numerata de qua se tenuerunt et appellaverunt plenarie et integre pro pagatis In cujus rei testimonium nos officialis predictus ad requisitionem dictorum venditorum nobis per relationem mandati nostri factam sigillum curie Bisuntine predictis presentibus litteris duximus apponendum Datum die jovis ante festum Penthecostes anno Domini MCCC decimo secundo