Charter Document - 02220456
| Charter Number: | 02220456 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1273 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p.73) |
Charter:
Ego Haymo de Riveria dictus Champion notum facio universis quod ego non deceptus non coactus ymo sana et spontanea voluntate mea ductus de laude et consensu Brunete uxoris mee vendidi concessi et tradidi penitus et im perpetuum sine spe et intentione revocandi magistro Guillermo de Balma canonico ecclesie beate Magdalene Bisuntine campum meum situm in finagio d'Entre doux Mes juxta campum domine Symonete relicte domini Stephani de Bannens militis ex una parte et campum juxta qui dicitur de terra grangie de Lacu ex altera et campum meum de la Vasse continentem unum jornale et semy arature contiguum ex parte una campo meo de la Vaisse et juxta campum es Crespes de Bannens ex parte altera et pratum meum quod dicitur Chancele contiguum predicto campo de la Vaisse pro quatuor libris et decem solidis bonorum denariorum stephaniensium quam quidem pecuniam habui et recepi integraliter a dicto magistro Guillermo nomine precii in pecunia numerata et habeo me inde pro bene pagato In cujus rei testimonium ego predictus Haymo venditor et ego Bruneta uxor ejusdem sigillum religiosi viri fratris Jacobi abbatis Montis Sancte Marie Cisterciensis ordinis Bisuntine dyocesis una cum sigillo Stephani publici curati de Riveria rogavimus et fecimus presentibus litteris apponi Actum et datum anno Domini M ducentesimo septuagesimo tercio mense aprili