Charter Document - 02220451
| Charter Number: | 02220451 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1303 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 22 - Tome 2 (p56) |
Charter:
Nos officialis curie Bisuntine notum facimus quod nobilis domicella Guyeta quondam filia Hugonis de Pontraville non vi non dolo [] et ex certa sciencia utilitate sua evidenti diligenter inspecta de auctoritate consensu et voluntate ac mandato expressis Johannis domini de Mernay castro domicelli mariti sui eidem prestitis coram nobis vendit im perpetuum tradit vel quasi concedit et deliberat et confessa est et publice recognovit in jure et judicio coram nobis pro se et suis heredibus im perpetuum vendidisse tradidisse et concessisse titulo et nomine pure et perfecte vendicionis nobili viro domino Johanni de Cabilone domino de Allato militi pro se et suis heredibus ementi et recipienti fortalicium ipsius Guyete de Vareynes situm in dyocesi Lugdunensi item quamdam vineam dictam clausum de Cusello cum fundo plateis clausuris appendiciisque et pertinenciis universis dicti fortalicii et vinee prout circacumque ex longitudine et latitudine se extendunt item et quicquid eadem Guyeta habet habere potest et debet quocumque jure racione sive causa in finagio et territorio de Vareynes et de Cusello videlicet in hominibus mansis terris pratis casalibus ortis vineis aquis aquarum decursibus stannis furnis molendinis nemoribus censibus tailliis decimis grossis et minutis usagiis costumis bannis justicia ac rebus et juribus quibuscumque et quocumque modo seu nomine censeantur Que quidem predicta vendita dicta Guyeta vendidit dicto domino Johanni ut dictum est pro duobus millibus sepcies et sexaginta libris monete usualis et cursibilis in civitate et dyocesi Bisuntina quas ab eodem domino Johanne habuit et recepit plenarie et integre in bona pecunia In quorum omnium testimonium nos officialis Bisuntinus ad requisitionem eorundem Guyete et Johannis sigillum curie Bisuntine presentibus litteris duximus apponendum Datum mense januario anno Domini M trecentesimo secundo