Charter Document - 02220450
| Charter Number: | 02220450 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1303 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p53) |
Charter:
Nos officialis curie Bisuntine notum facimus quod Amietres filius quondam Amarrici dicti Maçon civis Bisuntini sciens et spontaneus pro suis negociis utiliter expediendis et agendis vendit cedit et concedit ac etiam confessus est in jure et judicio coram nobis specialiter ad nos veniens se pro se et suis heredibus vendidisse penitus et im perpetuum cessisse et concessisse et tradidisse vel quasi nobili viro domino Johanni de Cabilone domino de Allato militi et suis heredibus et successoribus vel ab eo causam habentibus pro precio quingentarum librarum usualis et cursibilis monete in civitate et dyocesi Bisuntina ipsi Amedeo a dicto emptore solutarum traditarum et deliberatarum in pecunia legitime numerata suam turrim sitam Bisuntione que vocatur turris de Vaites que fuit domini Hugonis quondam militis domini de Thorayse cum domo sua conjuncta dicte turri fundis pertinenciis et appendiciis eorumdem ac etiam cum quodam orto suo fundo et appendiciis ipsius sito retro dictam turrim contiguo domui que fuit magistri Rolandi civis Bisuntini prout dictus ortus se extendit de longo et de largo cum omni jure proprietate reclamacione dominio et usufructu sibi competentibus et competere debentibus in eisdem Ceterum in nostra presentia propter hoc personaliter constituta Ysabella filia quondam Richardi d'Avenne civis Bisuntini uxor dicti Amieti venditoris predicte vendicioni dicte turris domus et orti fundorum et appertinenciarum earumdem consentit et consensit et dictam vendicionem ac omnia [in] hoc instrumento contenta de voluntate et mandato dicti venditoris mariti sui confessa est in eadem juris instancia et in judicio coram nobis ad hoc specialiter veniens non decepta non coacta se laudasse ratificasse ac etiam approbasse In cujus rei testimonium nos ad requisicionem dicti Amieti venditoris et dicte Isabelle ejus uxoris sigillum curie Bisuntine duximus apponendum Datum VII kalendas julii anno Domini MCCC tercio