Charter Document - 02220449
| Charter Number: | 02220449 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | French |
| Charter Origin: | Lay |
| Charter Type(s): | Mandate |
| Date: | 1293 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 22 - Tome 2 (p.52) |
Charter:
Othes cuens palatins de Bourgoingne et sires de Salins à son amé le maire de Osselle salut Nous te mandons et comandons que tu dois or en avant respondes à nostre amé oncle et feal mons Jehan de Chalon signour d'Arlay dou giste et des autres choses que nous avons à Osselle et es appartenances ensi come tu en respondoies à nous et y soies pour luy ensi come tu estoies pour nos ne à nul autre n'en respondes dois or en avant car nous li avons eschangié à autres choses Et pour ce que tu en soies plus certains nous t'envoions ceste lettre overte seelée de nostre seal Donée à Mirebeal le vanredi après la feste sainte Katherine l'an mil CC nonante et trois