Charter Document - 02220444
| Charter Number: | 02220444 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1285 - 1286 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p38) |
Charter:
Ego domina Guillerma de Durnon nunc uxor Hugonis dicti de Molliprato domicelli filia quondam domini Gerardi de Areschia militis notum facio universis presentes litteras inspecturis quod ego sciens prudens et spontanea non vi non metu non dolo ad hoc inducta nec ab aliquo circumventa dedi donavi et tradidi vel quasi cessi penitus et im perpetuum pro me et meis quittavi donatione irrevocabili facta inter vivos nobili viro domino Johanni de Cabilone domino de Allato centum solidatas terre quas dictus dominus Gerardus quondam pater meus michi in dotem dedit in contractu sponsaliorum inter me et Johannem dictum Engarrant militem quondam de Salino primum maritum meum initorum et easdem centum solidatas terre prefatus dominus Gerardus [pater] meus michi assignavit et assedit super duos homines suos quos habebat in villa de Durnon videlicet super Richardum et Bernardum et super mansos eorundem de Durnon cum appendiciis eorundem item et super quadraginta jornalia terre tam prati quam terre arabilis sita in territorio et finagio de Durnon item et super casale in quo sita est domus mea de Durnon et super ortum positum retro dictam domum quas quidem centum solidatas terre eidem domino Johanni sic a me donatas reaccepi in feodum ab eodem domino Johanne et easdem tenebam in feodum a dicto domino Johanne ante confectionem presentium litterarum Item dedi donavi tradidi vel quasi et concessi im perpetuum donatione facta inter vivos dicto domino Johanni de Cabilone ducentas et quinquagenta libras michi datas et concessas a predicto domino Gerardo patre meo in dotem in dicto contractu sponsaliorum predictorum de quibus ducentis et quinquaginta libris prefatus Johannes Enguerrant quondam maritus meus recepit dum viveret a dicto patre meo sexaginta quinque libras in bona pecunia numerata quas sexaginta quinque libras dominus Baduinus dictus Enguerrant miles de Salino frater quondam et heres dicti Johannis quondam mariti mei michi assignavit et assedit post decessum dicti Johannis mariti mei in puteo burgi nobilis viri comitis Burgundie palatini sito apud Salinum in loco qui dicitur Domaingne super duos quarterios calderie quas sexaginta quinque libras tenebam similiter in feodum a dicto domino Johanne de Cabilone residuum vero dictarum ducentarum et quinquaginta librarum videlicet centum et quater viginti libras et centum solidos dictus dominus Gerardus quondam pater meus assignavit et assedit michi super omnes res possessiones jura et bona que et quas dictus dominus Gerardus pater meus habebat et habere poterat aut debebat quoquo modo et ex quibuscumque causis in villa et finagio de Durnon videlicet in hominibus terris pratis mansis nemoribus aquis tailliis emendis corveis justiciis juribus reditibus et omnibus aliis rebus quibuscumque et quocumque nomine censeantur excepto Perrino dicto Fardet homine suo de Durnon et manso ejusdem quem prefatus Gerardus quondam pater meus sibi retinuit cum manso ejusdem Perrini Dedi etiam et concessi im perpetuum dicto domino Johanni omne jus et actionem quod et que habebam habere poteram aut debebam in predictis rebus a me donatis constituens dictum dominum Johannem de Cabilone procuratorem in rem suam in premissis Hiis autem donacionibus nec non et omnibus singulis premissis ego prenominatus Hugo domicellus maritus dicte Guillerme consensi et consencio et omnia singula supra dicta laudo expresse et ratifico In cujus rei testimonium sigillum curie Bisuntine presentibus litteris rogavimus et fecimus apponi Datum VI kalendas aprilis anno Domini MCC octogesimo quinto