Charter Document - 02220443
| Charter Number: | 02220443 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1276 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.35) |
Charter:
Nos Girardus abbas Bullionis totusque ejusdem loci conventus Bisontine dyocesis Cisterciensis ordinis notum facimus universis presentes litteras inspecturis quod nos consideratis et numeratis evidenti utilitate monasterii nostri Bullionis et urgenti necessitate permutavimus et permutamus et titulo permutacionis tradidimus vel quasi et concedimus im perpetuum nobili viro Johanni de Cabilone domino de Allato filio nobilis viri Johannis comitis Burgundie et domini Salinensis et ejus heredibus vel cui dictus Johannes concesserit fundum locum et situm molendinorum nostrorum de Fonlisum et ipsa molendina cum sitibus aquarum decursibus et omnibus appendiciis pertinenciis et juribus quibuscumque in dicto loco ad nos spectantibus et quicquid habemus vel habere possumus et debemus modis omnibus et ratione quacumque tam de jure quam de facto in predictis et in loco qui dicitur Falousa in inferiori Abergemento in comba Fraxini in Gevresin et in Valescheria tam in terris pratis aquis hominibus nemoribus quam rebus aliis quibuscumque permutavimus inquam et tradidimus eidem Johanni et suis pro viginti et octo libris annui redditus monete bone et legalis et usualis nobis vel mandato nostro im perpetuum a dicto Johanne vel heredibus et successoribus solvendis Datum et actum kalendis septembris anno Domini MCC septuagesimo sexto