Charter Document - 02220442
| Charter Number: | 02220442 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1289 |
| Date type: | Internal, A.D., Calendar |
| Resource Link(s): |
Patrimoine numérisé de Besançon - MS Droz 22 - Tome 2 (p.31) |
Charter:
Nos officialis curie Bisuntine notum facimus quod Johannes dominus de Rens super Dubium domicellus sciens prudens et spontaneus non vi non metu non dolo ad hoc inductus considerata utilitate sua et commodo evidenti et pro suis negociis utiliter expediendis vendit et titulo pure perfecte et perpetue vendicionis tradit vel quasi cedit penitus et concedit pro se et suis heredibus im perpetuum et confessus est et publice recognovit in jure et judicio coram nobis se vendidisse quittasse tradidisse vel quasi cessisse penitus et concessisse nobili viro domino Johanni de Cabilone domino de Allato et suis heredibus im perpetuum pro precio quingentarum librarum stephaniensium bonorum sibi traditarum solutarum et numeratarum a dicto domino Johanne de Cabilone in pecunia legitime numerata de quibus se tenet et habet integre pro pagato prout in jure confessus est coram nobis dictus domicellus predicta esse vera vendit inquam dictus domicellus dicto domino Johanni res que sequuntur videlicet sextam partem de la Domainne putei Salinensis siti in burgo domini comitis Burgundie et quicquid juris actionis proprietatis possessionis et dominii dictus domicellus habet habere potest et debet seu hoc videtur quoquo modo et ex causa quacumque in valle villa de Salino et in toto territorio vallis et ville Salinensis in hominibus censibus reditibus justiciis nemoribus tailliis juribus corvatis aquarum decursibus molendinis pratis vineis campis angariis et perangariis exactionibus feudis et retrofeudis et rebus aliis quibuscumque et quocumque nomine censeantur que omnia et singula superius vendita erant de feudo predicti domini Johannis de Cabilone Huic autem vendicioni quittacioni cessioni concessioni [] omnibus et singulis supra scriptis Clemencia uxor dicti Johannis domicelli consensum prebuit pariter et assensum In quorum omnium testimonium ad preces dicti domicelli factas coram nobis et ad preces dicte Clemencie factas coram mandato nostro sigillum curie Bisuntine presentibus apposuimus Ego vero predictus Johannes confitens premissa omnia esse vera sigillum meum una cum sigillo domini officialis presentibus apposui in testimonium veritatis Datum XII kalendas junii anno Domini MCC octogesimo nono