Charter Document - 02220439

Nos officialis curie Bisuntine notum facimus quod nobiles domicelli Johannes dominus de Rens et Haymo frater ejus filii quondam nobilis viri domini Hugonis militis domini de Rens dicti fratres ex certa sciencia et spontanei confessi sunt in jure et judicio coram nobis se tenere in feodum ligium a nobili domicello Johanne de Cabilone domino de Allato castrum suum de Saint Aigne cum omnibus appendiciis et pertinenciis ejusdem castri juribus feudis et rebus aliis ad dictum castrum quacumque ex causa seu modo spectantibus et quocumque nomine censeantur quod quidem castrum cum omnibus appendiciis et pertinenciis ejusdem castri dicti fratres vendiderunt et vendunt tradiderunt et tradunt coram nobis dicto Johanni de Cabilone ementi et recipienti una cum feodo domini Hugonis dicti Tempeste feodo domini Petri de Pont Emenjart et feodo Johannis dicti de Ceyx domicelli Salinensis et omnibus aliis feudis justiciis bannis reditibus usagiis terris cultis et non cultis pratis nemoribus piscariis aquarum decursibus furnis molendinis et omnibus aliis rebus ad dictum castrum et ad dictos fratres racione dicti castri et ad pertinencias et appendicias ipsius castri pertinentibus Vendiderunt etiam dicti fratres et vendunt tradiderunt et tradunt vel quasi dicto Johanni de Cabilone ementi duas partes feudi de Regne et pertinenciarum ejusdem loci duas partes feudi de Alaise duas partes feudi domini Johannis dicti Ferrier duas partes feudi domini Homberti dicti Ellavate militis Salinensis duas partes feudi domini Guidonis dicti Vasterobe militis de Lile siti Salinis duas partes feudi prepositi de Malpertuis Salinensis duas partes feudi domini Hugonis dicti de Pont militis Salinensis que omnia feuda dicti fratres asseruerunt in judicio coram nobis ad ipsos jure dominii vel quasi pertinere et esse dicta feuda de alodio eorumdem Vendiderunt etiam dicti fratres et vendunt tradiderunt et tradunt vel quasi dicto Johanni de Cabilone ementi duas partes omnium aliorum feudorum Salinensium que habebant habere poterant et debebant modis omnibus in villa Salinensi et que predictus Hugo pater ipsorum quondam dominus de Rens possidebat vel quasi et tenebat tempore mortis sue apud Salinum quoad omnia feuda supra dicta Predicta autem omnia et singula vendiderunt et vendunt dicti fratres tradiderunt et tradunt vel quasi et quilibet eorum in solidum dicto Johanni emptori ab ipso Johanne emptore et suis possidenda et habenda im perpetuum jure pleni dominii pro duobus millibus et septies centum libris stephaniensium bonorum et legalium que quidem duo millia et septies centum libras stephaniensium dicti fratres venditores et quilibet eorum in solidum confessi sunt et publice recognoverunt in jure et judicio coram nobis se habuisse et recepisse a dicto Johanne emptore integraliter in pecunia numerata Huic autem venditioni et omnibus premissis et singulis consenserunt expresse et omnia predicta laudaverunt ratificaverunt et approbaverunt ex certa sciencia spontanee non circonvente nobiles domicelle Clemencia uxor domini Johannis domini de Rans et Johanna uxor dicti Haymonis In quorum omnium et singulorum testimonium et munimen nos officialis predictus sigillum curie Bisuntine presentibus litteris ad preces et requisicionem dictorum fratrum et eorundem uxorum una cum sigillo dicti Johannis domini de Rens duximus apponendum Datum IIII idus februarii anno Domini millesimo ducentesimo septuagesimo septimo