Charter Document - 02220426
| Charter Number: | 02220426 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1302 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p1039) |
Charter:
Philippus Dei gracia Francie rex notum facimus universis tam presentibus quam futuris quod nos dilecto et fideli nostro Johanni de Cabilone domino de Allato intuitu grati servicii nobis ab eodem impensi et quod speramus eum im posterum impensurum presencium tenore concedimus et donavimus duo millia librarum turonensium annui et perpetui redditus percipienda [in] thesauro nostro mille libras videlicet in festo Sanctorum Omnium et alias mille libras in festo Resurrectionis Dominice donec hujusmodi redditum dicto Johanni alibi in locis competentibus duxerimus assignandum primo solutionis termino in festo Sanctorum Omnium futuro proxime incohando habenda tenenda et possidenda a predicto Johanne heredibusque suis ex ipso et ejus uxore legitime procreatis seu im posterum procreandis et recta linea successuris eidem imperpetuum pacifice et quiete pro quo siquidem redditu idem Johannes contra omnes homagium ligium nobis fecit Damus autem thesaurariis nostris modernis et qui pro tempore fuerint presentibus in mandatis ut redditum ipsum memorato Johanni vel ejus mandato annis singulis terminis supradictis absque alterius expectatione mandati persolvant Quod ut ratum et stabile perseveret presentibus litteris nostrum fecimus apponi sigillum Actum apud Sanctum Germanum in Laya mense augusti anno Domini MCCC secundo