Charter Document - 02220418
| Charter Number: | 02220418 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1273 |
| Date type: | Internal, A.D., Feast |
| Resource Link(s): |
Patrimoine numérisé de Besançon - MS Droz 21 - Tome 1 (p1023) |
Charter:
Ego Hugo filius quondam domini Walcheri dicti Put de Levier militis notum facio universis quod ego non deceptus non circonventus non vi dolo metu seu precibus inductus sed spontaneus vendidi et vendo trado cedo et im perpetuum concedo nobili domine Lore relicte quondam Johannis comitis Burgundie et domini Salinensis et ejus heredibus vel cui concesserit quemdam mansum situm in villa de Faye subtus Monmaour et homines meos de La Faye et quicquid habeo habere possum et debeo quoquo modo in dicta villa et territorio pro novem libris stephaniensium quas ab eodem habui et recepi nomine precii in pecunia numerata Denuncio in vendicione dictum mansum debere prioratui tantummodo de Ceys sex solidos censuales In cujus rei testimonium sigillum capituli ecclesie Sancti Michaelis Salinensis presentibus litteris rogavi et feci apponi Datum die jovis post Letare Jerusalem anno Domini MCC septuagesimo secundo