Charter Document - 02220404

Nos officialis curie Bisuntine sede vacante notum facimus quod personaliter constituti et ad hoc in jure specialiter venientes nobilis vir dominus Johannes de Cabilone dominus de Allato ex una parte et nobilis domina Margareta de Bellavevra relicta domini Vualcheri de Commerceyo domini quondam Montis Rivelli ex altera idem dominus Johannes et Margareta confessi sunt et publice recognoverunt in jure coram juratis nostris se contractum permutacionis vendicionis et concessionis fecisse et iniisse inter ipsos in modum qui sequitur videlicet quod domina Margareta sciens prudens et spontanea non vi non dolo non metu ad hoc inducta nec ab aliquo circonventa sed considerata utilitate sua et commodo evidenti pro se et suis heredibus et successoribus dedit donavit tradidit vel quasi [et] im perpetuum concessit titulo et nomine permutacionis dicto domino Johanni de Cabilone recipienti pro se et suis ac etiam acceptanti medietatem ville de Champaignole rerum possessionum pertinenciarum et appendiciarum omnium et singularum dicte ville tam in hominibus justiciis nemoribus censibus reditibus tailliis pascuis emendis terris cultis et non cultis molendinis furnis aquis aquarum decursibus piscariis stannis bancis courveis nemore de Taravant gardia seu custodia grangie d'Ardon feodis retrofeodis dominiis et commodis quam aliis rebus quibuscumque ad dictam medietatem dicte ville spectantibus et a quibuscumque detineantur seu possideantur et quocumque nomine conseantur que medietas dicte ville de Champaignole cum omnibus juribus et pertinenciis medietatis dicte ville de Champaignole tradita assignata et assetata fuit ipsi Margarete ut asseruit coram juratis nostris a nobili viro domino Galchero quondam domino Montis Rivelli marito suo pro villis de Toutenans et de Sancto Desiderio et pertinenciis earundem villarum et pro sex centum libris usualis monete quas ville et pecuniam dictus Galcherus quondam maritus suus habuit et recepit de dote et maritagio ipsius Margarete et quas etiam ville de Toutenens et de Sancto Desiderio de voluntate et mandato dicti Galcheri eadem Margareta dedit in dotem et nomine dotis Guillermete filie sue ut asseruit eadem Margareta coram juratis nostris supra dictis tradidit inquam et concessit eadem Margareta ex causa permutacionis predicte predictam medietatem ville de Champaignole cum pertinenciis et appendiciis ipsius medietatis ville omnibus et singulis dicto domino Johanni et suis im perpetuum pro duabus partibus omnium reddituum fructuum exituum et omnium obvencionum pedagii de Joigne ab ipsa domina Margareta possidendis tenendis et habendis quandiu vixerit dicta Margareta et non ultra quas quidem duas partes pedagii predicti predictus dominus Johannes dicte Margarete ex causa permutacionis predicte tradidit et concessit ad vitam ipsius Margarete et non ultra post decessum vero dicte Margarete dicte due partes dicti pedagii ad dictum dominum Johannem et suos heredes libere et pacifice reverti debent contradictione aliqua non obstante Insuper dicta Margareta considerans et attendens onus debitorum in quibus dictus dominus Galcherus quondam maritus suus erat multis creditoribus fenerariis obligatus nec alia bona superessent de quibus commode dicta debita domini Galcheri solvi possent nisi per distractionem et vendicionem alterius medietatis dicte ville de Champaignole pertinenciarum et appendiciarum ejusdem ipsa domina Margareta sciens et prudens et spontanea non vi non metu nec dolo ad hoc inducta nec ab aliquo circonventa habens super hoc potestatem sibi ab domino Galchero concessam in sua ultima voluntate ut asseruit dicta domina Margareta pro liberacione dicti mariti sui et solucione debitorum ipsius Galcheri vendit et vendicionis nomine tradit vel quasi cedit penitus et concedit pro se et suis heredibus im perpetuum et confessa est in jure coram dictis juratis nostris se vendidisse tradidisse vel quasi cessisse im perpetuum titulo pure et irrevocabilis vendicionis [et] concessisse predicto domino Johanni pro se et suis ementi et recipienti aliam medietatem dicte ville de Champaignole cum omnibus juribus possessionibus pertinenciis et appendiciis dicte ville de Champaignole tam in hominibus justiciis nemoribus censibus reditibus tailliis prisiis emendis terris cultis et non cultis molendinis furnis aquis aquarum decursibus piscariis stannis bancis courveis nemore de Taravant garda seu custodia d'Ardon feodis retrofeodis dominiis et commodis quam aliis rebus quibuscumque ad dictam medietatem dicte ville spectantibus et a quibuscumque teneantur tam de jure quam de facto seu possideantur seu quocumque nomine censeantur necnon et quicquid juris possessionis et proprietatis dictus dominus Galcherus habebat habere poterat et debebat dum vivebat in villa et territorio de Nais videlicet illud quod reperietur esse de feodo predicti domini Johannis in hominibus terris mansis justiciis nemoribus reditibus dominiis et aliis rebus quibuscumque vendidit inquam dicta domina Margareta res predictas omnes et singulas dicto domino Johanni et suis pro tribus millibus libris usualis monete et cursibilis in civitate et diocesi Bisuntina solutis traditis et deliberatis a dicto domino Johanne tam dicte Margarete quam creditoribus dicti Galcheri de mandato et voluntate dicte Margarete quibus erat dictus Galcherus variis causis obligatus et de dicta pecunie summa dicta Margareta se tenet et tenuit coram dictis juratis nostris integre pro pagata In quorum omnium et singulorum premissorum testimonium nos officialis Bisuntinus sigillum dicte curie presentibus litteris duximus apponendum Datum XIII kalendas octobris anno Domini MCCC primo