Charter Document - 02220397
| Charter Number: | 02220397 |
|---|---|
| Cartulary Title: | Cartulaire de Hugues de Chalon (1220-1319) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Internal, A.D. |
| Resource Link(s): |
Patrimoine numérisé de Besançon - MS Droz 21 - Tome 1 (p929) |
Charter:
Universis presentes litteras inspecturis officialis Bisuntinus salutem in Domino Noveritis quod in nostra constituti propter hoc presentia Guieta filia quondam Johannis de Meges Sibilla Johannes et Petrus liberi Alidis quondam de Meges dederunt potestatem et speciale mandatum Bertholomeo de Grandivalle vendendi promittendi vel quolibet alio modo alienandi quicquid predicti liberi omnes habent et habere debent in molendino de Espaillart sito in riveria de Meges erga comitissam seu comitem Burgundie dominum Salinensem quicquid super hoc idem fecerit ratum et firmum habituri Promiserunt etiam dictam vendicionem permutacionem seu alienacionem tenere et observare et nunquam contra venire per se vel per alium fide data In cujus rei testimonium sigillum curie Bisuntine presentibus litteris duximus apponendum Actum anno Domini M ducentesimo sexagesimo secundo mense julio